發其是今年神田祭迎會其相片。具體來講是回宮。
遐辰候是半晡，我看完展覽，寢寢出來，正好野遠就聽見有儂呼口號。墿邊儂也罔來罔価。無偌𣆯，開道其儂來了。伊揭𡅏註連繩，面覷前首，伐步穩穩喏。後首跟𡅏蜀堆儂，頌𡅏出巡其衣裳，蜀邊拍𡅏手，蜀邊回轉頭覷。伊各儂看起都野激動。口號其聲罔來罔大，墿邊其儂罔攀講，罔掏出手機、䀹相機，準備䀹相。
來了，來了。扛轎其盡去野精神，佮𡅏口號向前首行。㑚是講有蜀隻依伯，儥仈面候徛著墿前首，吩發先遘其儂攔𡅏無伊行。神轎退後仂囝，但是扛轎其無停下，聲做故大，共神轎齊去律動，盡像心臟敆𡅏跳。氛圍野熱烈，墿邊其儂也拍手加油。敆煞復有能涯前首行去，大家都告好。依伯吩訴女界去替男界扛轎，離開了墿路。
許蜀日，我故覷儂供神明齋，看儂拍太鼓。㑚是講第一感動我其，故是回宮。儂都講迎會是「儂共神其共振」，看完回宮，見覺真其是總款。罔算行裡新其時代，傳統也有能涯好好保護，成為今旦生活其蜀部份，實在是野好。
平話漢字 | Bàng-uâ Lò̤-mā-cê | 官话白话文 | 日本語